BAKI, 7 dekabr — Sputnik. Rusiya və Belarus prezidentləri Vladimir Putinlə Aleksandr Lukaşenko artıq üç saatdan çoxdur ki, Soçidə, bağlı qapılar arxasında müzakirələr aparırlar.
Sputnik Azərbaycan bildirir ki, bu barədə RİA-Novosti xəbər verir.
İki ölkə liderinin görüşü yerli vaxtla 15:25-də başlayıb. Onlar öz nümayəndə heyətlərinin olduğu görüşdə müzakirə apardıqdan sonra Rusiya Prezidenti iştirakçıları Birlik Ölkəsinin yaradılmasının 20 illiyi münasibətilə təşkil edilmiş ziyafətə dəvət edib. Putinlə Lukaşenko naharda tet-a-tet söhbət edirlər.
Путин и Лукашенко после переговоров с делегациями решили поднять фужеры за 20-летие Союзного государства, остальные участники встречи также пообедали, но в другом зале. pic.twitter.com/XwkG5g9srl
— Кремлевский пул РИА (@Kremlinpool_RIA) December 7, 2019
Nahar zamanı söhbət nümayəndə heyəti arasında da davam edir. Digər zalda masa ətrafında toplaşan Rusiya heyətinə Baş Nazir Dmitri Medvedev, Belarus heyətinə isə onun həmkarı Sergey Rumas başçılıq edir.
Rusiya tərəfdən görüşdə Baş Nazirin köməkçisi, Maliyyə naziri Anton Siluanov, digər müşavir Dmitri Kozak, Enerji naziri Aleksandr Novak, İqtisadi inkişaf naziri Maksim Oreşkin və başqaları iştirak edirlər.
Gözlənildiyi kimi tərəflər birlik inteqrasiyasının "yol xəritəsini" müzakirə edirlər, eləcə də qaz və ölkələrarası sərmayə layihələrinin də müzakirə predmeti olacağı gözlənilir.
Görüş zamanı maraqlı anlar da yaşanıb. Vladimir Putinlə Aleksandr Lukaşenkonun giriş nitqindən sonra işıqlar bir saniyəlik sönüb.
На переговорах Путина и Лукашенко в зале на секунду выключился свет.
— Кремлевский пул РИА (@Kremlinpool_RIA) December 7, 2019
«Это все Дима Песков», - пошутил президент Белоруссии pic.twitter.com/bExltzRDOK
Putin zarafatla qeyd edib ki, binada elektrik enerjisi qurtarıb. Lukaşenko isə "günahı" Rusiya liderinin mətbuat katibinin üstünə atıb: "Hamısı Dima Peskovun əməlləridir, mən bilirəm".
Gülüşmədən sonra danışıqlar davam etdirilib.
