BAKI, 13 noyabr — Sputnik. Ukrayna Rusiya ilə münasibətləri yaxşılaşdırmalıdır. Sputnik Azərbaycan xəbər verir ki, bunu ukraynalı biznesmen İqor Kolomoyski "The New York Times"-a müsahibəsində bildirib.
"İstənilən halda onlar güclüdürlər. Onlarla münasibətlərimizi yaxşılaşdırmaq lazımdır. İnsanlar sülh istəyir, yaxşı həyat istəyir. Onlar müharibə istəmir", - deyə ukraynalı biznesmen bildirib.
O əlavə edib ki, Birləşmiş Ştatlar Ukraynadan geosiyasi rəqibini zəiflətmək üçün istifadə edir.
"Ukraynanın iqtisadi olaraq sağ qalması üçün Rusiya ilə münasibətlərinin bərpasına ehtiyac var. 5-10 il keçəcək və qan haqqında unudacaqlar", - deyə o bildirib.
