BAKI, 7 noyabr — Sputnik. Rusiya Federasiyası, Azərbaycan, Tacikistan, Qırğızıstan və Özbəkistanın xüsusi xidmət orqanları 2019-cu ildə 13 beynəlxalq terrorçu özəyinin fəaliyyətinin qarşısını alıblar.
Sputnik Azərbaycan RİA Novosti-yə istinadən xəbər verir ki, bunu Rusiya Federal Təhlükəsizlik Xidmətinin (FTX) direktoru Aleksandr Bortnikov MDB ölkələrinin təhlükəsizlik və xüsusi xidmət orqanları rəhbərləri şurasının iclasında deyib.
"Cari ildə Azərbaycan, Tacikistan, Qırğızıstan və Özbəkistandan olan tərəfdaşlarımızla əməkdaşlıq nəticəsində 13 beynəlxalq terrorçu özəyi aşkarlanıb, 138 döyüşçü saxlanılıb", - Bortnikov qeyd edib.
O əlavə edib ki, bu ilin mayından oktyabrınadək MDB ölkələrinin 200-dən çox vətəndaşı terrorçu və dini ekstremist təşkilatlarla əlaqədə şübhəli bilinərək sərhəd nəzarətinə götürülüb.
