Avqustun 19-u Beynəlxalq Fotoqrafiya Günüdür. Bu günü həm peşəkar, həm də həvəskar fotoqraflar qeyd edirlər.
Bu tarixin Beynəlxalq Fotoqrafiya Günü kimi təsis olunması təşəbbüsünü 2009-cu ildə avstraliyalı fotoqraf Korske Ara irəli sürüb. Qeyd edək ki, 1839-cu il avqustun 19-da fotoşəkilin prototipi sayılan dagerotipin əldə etmə üsulu ictimaiyyətə təqdim olunub. Bu ixtira Lui Jak Mande Dagerə məxsusdur.
Fotoqrafiya ən vacib hadisələri, maraqlı anları, gözəl və əziz olan hər şeyi həmişəlik həkk etməyin unikal bir vasitəsidir. Fotoqrafiya son zamanlar Azərbaycanda incəsənətin ayrı bir növünə çevrilib, azərbaycanlı fotoqraflar isə məşhurlardan geri qalmırlar.
Sputnik Azərbaycan-da avqustun 19-u saat 12:00-da keçiriləcək tədbirdə Azərbaycanın məşhur fotoqrafları Vüqar İbadov (Baku Media Centre), Həbib Səmədov, Əhməd Muxtar, Elmar Mustafazadə və Xalid Zeynalov bu incəsənət növünün bu gün necə inkişaf etdiyindən, fotoqrafiyada yeni tendensiya və istiqamətlərdən danışacaqlar.
Tədbir Sputnik Azərbaycan-nın Multimedia Mətbuat Mərkəzində keçiriləcək.
Əlavə məlumat üçün müraciət edə bilərsiniz:
E-mail: i.velizade@rian.ru
Telefonlar: 404-13-84/85
Ünvan: Sputnik Azərbaycan Beynəlxalq Multimedia Mətbuat Mərkəzi, Mətbuat prospekti, 529-cu məhəllə, bina 23 M (4-cü mərtəbə-liftlə üzbəüz).
