BAKI, 5 iyun - Sputnik. Rəsmi Moskva Suriyanın İdlib vilayətində vəziyyətə görə narahatdır. Sputnik Azərbaycan xəbər verir ki, bunu bu gün keçirdiyi həftəlik mətbuat konfransında Rusiyanın Xarici İşlər Nazirliyinin rəsmi nümayəndəsi Mariya Zaxarova bildirib.
Onun sözlərinə görə, terrorçular kimyəvi silahların tətbiqi ilə təxribatlar törətməklə buradakı vəziyyəti gərginləşdirmək cəhdlərindən əl çəkmirlər.
Zaxarova qeyd edib ki, terrorçuların belə bir planların olmasını Suriya hərbçilərinin Hama vilayətində yaşayış məntəqəsində “Ağ kaskalılardan ibarət sözdə humanitar yardım edən şəxslərin” səhra hospitalını aşkarlaması olub.
“Obyektə baxış zamanı əleyhqaz, xüsusi kostyum, dərman və tibbi avadanlıqlar da daxil olmaqla kimyəvi hücumdan müdafiə üçün lazım olan xeyli sayda vəsait aşkarlayıb. Biz dünya birliyini terrorçular tərəfindən kimyəvi silahların tətbiqi ilə bağlı yeni, növbəti mümkün səhnələşdirilmələrə dair ayır sayıq olmağa çağırırıq”, - deyə Rusiya XİN-in təmsilçisi qeyd edib.
