BAKI, 13 mart — Sputnik. Rusiyada maraqlı tendensiya baş verir.
Sputnik Azərbaycan Rusiya mətbuatına istinadən xəbər verir ki, Moskva məktəblərində tənəffüs üçün vurulan zənglərin səsini dəyişmək istəyirlər.
Uşaqların zəng əvəzində hansı səsi eşitmək istədiklərini sorğu əsasında müəyyən edirlər. Bunun üçün sosial şəbəkələrdə sorğu keçirilir. Hətta regionların bəzilərində məktəblərdə dərs saatının başlamasını və bitməsini bildirmək üçün xüsusi klassik melodiyalar və rok, pop musiqilər səsləndirilir. Eyni zamanda dərs fasilələrində də zəngin səsi musiqi ilə əvəzlənir. İlk təcrübə 904 nömrəli məktəbdə olub. Burada Motsartın melodiyası səsləndirilib. Tənəffüs zamanı isə "Gecə snayperləri" və "Bi-2" qruplarının trekləri səsləndirilir.
