BAKI, 8 mart — Sputnik. Rusiyanın Ermənistandakı bazasının hərbçisi bıçaqlanıb. Bu barədə Sputnik Azərbaycan "Novosti Armeniya"-ya istinadən xəbər verir.
Məlumata əsasən, 22 yaşlı hərbçi Racan Kajimirov döş boşluğundan bıçaqla yaralanıb. O, gecə 01:30 radələrində Gümrü xəstəxanasına çatdırılıb.
Hazırda hadisənin baş vermə səbəbi araşdırılır, günahkarlar müəyyənləşdirilir.
Qeyd edək ki, 22 yaşlı Rusiya vətəndaşı Rusiyanın Gümrüdəki 102 saylı hərbi hissəsində qulluq edir.
