BAKI, 9 yanvar — Sputnik. ATƏT-in Minsk qrupunun həmsədrləri Ermənistan və Azərbaycan xarici işlər nazirləri – Zöhrab Mnatsakanyan və Elmar Məmmədyarova bu ilin yanvar ayında görüşməyi təklif edib. Sputnik Ermənistan xəbər verir ki, bunu Ermənistan XİN-in mətbuat katibi Anna Naqdalyan bildirib.
"Həmsədrlər yanvarda görüş keçirməyi təklif ediblər. Görüş barədə daha ətraflı məlumat razılaşma əldə olunduqdan sonra veriləcək" - deyə Naqdalyan bildirib.
Qeyd edək ki, Ermənistan və Azərbaycan XİN rəhbərlərinin sonuncu görüşü dekabrın 5-i Milanda ATƏT-in Minsk qrupunun həmsədrlərinin vasitəçiliyi ilə görüşüb. Həmin vaxt Mnatsakanyan və Məmmədyarov bu formatda görüşləri davam etdirmək və danışıqların dinamikasını saxlamağa dair razılığa gəlib.
