BAKI, 21 dekabr — Sputnik. Ruslar üçün 3 illik ABŞ vizasının dəyəri 303 dollara qədər bahalaşır. Sputnik Azərbaycan xarici mətbuata istinadla xəbər verir ki, vizanın qiyməti 2019-cu ilin yanvar ayından bahalacaq.
Qeyd edək ki, bu barədə ABŞ-ın Rusiyadakı səfirliyindən məlumat verilib.
Əvvəl vizanın qiyməti 160 dollar idi, indi bu qiymət 303 dollar olacaq.
"2019-cu il 1 yanvar tarixindən etibarən, Rusiya Federasiyasının vətəndaşları B1 / B2 vizası üçün biznes və ya istirahət səyahətinə dair ərizə təsdiq edildikdə bəzi hallarda viza emissiya haqqını ödəməlidirlər"- ABŞ səfirliyinin məlumatında qeyd edilib.
Əgər müraciət edən şəxs viza üçün razılıq alarsa, o əlavə məbləğ ödəmədən bir illik viza və ya 143 dollar əlavə məbləğ ödəyərək 3 illik viza ala bilər.
Vizanın qiymətinin dəyişməsi qarşılıqlı olacaq. Rusiya da ABŞ vətəndaşlarına bu qaydanı tətbiq edəcək.
