BAKI, 20 dekabr — Sputnik. Rusiya prezidenti Vladimir Putinin növbəti böyük mətbuat konfransı keçirilib. Sputnik Azərbaycan Rusiya mətbuatına istinadla xəbər verir ki, Putin 3 saat 35 dəqiqə ərzində 61 suala cavab verib.
Məlumata görə, tədbirə 1702 nəfər akkreditasiya olunub. Bu göstərici rekord hesab edilir.
Jurnalistlərlə söhbətlə bağlı isə Putin rekordunu 2008-ci ildə edib. O zaman Putin 4 saat 40 dəqiqə müddətində 100-dən çox suala cavab verib.
Ötən il keçirilən mətbuat konfransı isə 3 saat 42 dəqiqə davam edib və bu zaman ərzində lider 65 suala cavab verib.
