BAKI, 1 avqust — Sputnik. Rusiyada təqaüdçülər bundan sonra şəhərlərarası və şəhərdaxili ictimai nəqliyyatdan pulsuz istifadə edəcək. Sputnik Azərbaycan Rusiya mətbuatına istinadla xəbər verir ki, avqustun 1-dən etibarən 60 yaşdan yuxarı şəxslər elektrik qatarlarından, sentyabrın 1-dən isə metro, tramvay və avtobuslardan pulsuz istifadə edəcəklər.
Məlumata görə, təqaüdçülər gün ərzində 200 rubl (5.45 manat) xərcləyir. Bu isə ay ərzində böyük məbləğ deməkdir. Moskvada avtobus və ya metro ilə bir gediş 55 rubl (1.55 qəpik) təşkil edir.
Hesablamalara görə, təqaüdçülər ay ərzində, təxminən 5000 rubl (136 manat) xərcləyirlər. Bu qərarın verilməsi işləyən təqaüdçülərin xərclərini azaldacaq.
