Вид на город Ханкенди, фото из архива - Sputnik Azərbaycan
QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Ramiz Mehdiyev Qarabağ barədə: “Diplomatik yol baş tutmasa...” - VİDEO

"Biz torpaqlarımızı qaytarmalıyıq, sərhədlərimizi bərpa etməliyik - məcburuq, müharibə yolu ilə münaqişəni həll edək"

BAKI, 24 aprel — Sputnik. Prezident Administrasiyasının rəhbəri Ramiz Mehdiyev Ermənistanda baş verən son hadisələrə münasibətini bildirib. Sputnik Azərbaycan ATV-yə istinadən xəbər verir ki, akademik Ramiz Mehdiyev ermənilərin böyük dövlət yaratmaq istədiklərini bildirib: "Onların dənizdən-dənizə adlanan ideyası var. Çox səhv ideyadır, buna heç vaxt nail ola bilməyəcəklər. Bu ideyanın başında kilsə dayanıb. Bu günləri Serj Sarqsyan, sabah başqası, onlardan asılı olmayaraq, ermənilərin belə ideyası var. Əsas məqsəd ondan ibarətdir ki, Azərbaycan dövləti bundan sonra da çox qüdrətli olmalıdır və bütün səylərin qarşısını almalıdır".

"Biz istəyirik ki, məsələni diplomatik danışıqlar yolu ilə həll edək, çünki müharibə istər-istəməz insan tələfatı ilə nəticələnir. Azərbaycan 15 ildə çox geniş inkişaf edib. Cənab prezidentin həyata keçirdiyi siyasət nəticəsində Azərbaycan bu gün dünyada tanınır. Prezidentin məqsədi ondan ibarətdir ki, bu məsələni danışıqlar yolu ilə həll edək. Lakin bu baş tutmasa, bizim başqa yolumuz yoxdur — biz torpaqlarımızı qaytarmalıyıq, sərhədlərimizi bərpa etməliyik — məcburuq, müharibə yolu ilə münaqişəni həll edək" — deyə Ramiz Mehdiyev qeyd edib.

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала