BAKI, 27 dekabr — Sputnik. Rusiyanın müdafiə sənayesi şirkəti olan "Rostex"-in rəhbəri Sergey Çemezov Türkiyənin Rusiyadan 4 ədəd S-400 zenit-raket kompleksi batareyası aldığını təsdiqləyib. Bu barədə Sputnik Türkiyə məlumat yayıb.
"Türklər 2.5 milyard dollar qarşılığında bizdən 4 ədəd S-400 zenit-raket müdafiə sistemi batareyası aldılar" — Çemezov qeyd edib.
Kommersant qəzetinə danışan Çemezov deyib ki, bu alqı-satqı iki ölkə arasında əldə edilən razılığa əsasən gerçəkləşib.
