Leyla Abdullayeva, Sputnik Azərbaycan
BAKI, 14 dekabr — Sputnik. Xəbər verdiyimiz kimi, dekabr ayının 13-də qoşunların təmas xəttində Ermənistan silahlı qüvvələri növbəti dəfə atəşkəs rejimini pozub. Nəticədə hərbi qulluqçumuz, 1978- ci il təvəllüdlü gizir Salahov Fizuli Süleyman oğlu şəhid olub.
Sputnik Azərbaycan-ın bölgə müxbirinin verdiyi məlumata görə, 39 yaşlı Fizuli Salahov bu gün doğulub boya-başa çatdığı Şabran rayonunun Gəndov kəndində dəfn olunacaq.
Qeyd edək ki, şəhidimiz 15 il Azəbaycan Silahlı Qüvvələrinin sıralarında xidmət edib.
