BAKI, 28 noyabr — Sputnik. Rusiyanın "Su-30" tipli qırıcı təyyarəsi Qara dəniz üzərində ABŞ-a aid "P-8A" kəşfiyyat təyyarəsinin qarşısını almaq üçün uçuş həyata keçirib.
Sputnik Azərbaycan "Star"a istinadla xəbər verir ki, Rusiya Müdafiə Nazirliyi hadisə ilə bağlı açıqlama yayıb.
Açıqlamada deyilir ki, Qara dəniz üzərindən Rusiya sərhədinə sürətlə yaxınlaşan bir təyyarənin müəyyən edilməsinin ardından bölgəyə ən yaxın bazadan "Su-30" tipli qırıcının havaya qalxdığı bildirilib.
ABŞ-a aid olan "P-8A" tipli kəşfiyyat təyyarəsinin Rus qırıcının havaya qalxmasının ardından marşrutunu dəyişdirərək Rusiya sərhədindən uzaqlaşdığı qeyd edilib.
Rus döyüş təyyarələri ən son iyun ayında Baltik dənizi üzərində Rusiya sərhədinə yaxınlaşan bir ABŞ təyyarəsi üçün havaya qalxmışdı.
