BAKI, 10 noyabr — Sputnik. Rusiyanın məşhur satiriki Mixail Zadornov vəfat edib.
Sputnik Azərbaycan-ın Rusiya mediasına istinadla verdiyi məlumatına görə, bu xəbəri Zadornovun əməkdaşlıq etdiyi REN TV yayıb. Zadornovun 69 yaşı var idi.
Yazıçı onkoloji xəstəlikdən əziyyət çəkirdi, soz zamanlar beyin xərçənginə görə müalicə kursu alırdı.
İyun ayında məlum olmuşdu ki, o, yorucu və faydasız olduğu, ona sərf olunan vaxtı doğmaları ilə birlikdə keçirməyə üstünlük verdiyi üçün tibbi prosedurlardan imtina edib.
2016-cı ilin payızından etibarən Zadornov kimyəvi terapiya qəbul etdiyi üçün səhnəyə çıxmırdı. 2016-cı ilin oktyabrında "Meridian" Mədəniyyət Sarayında keçirilən yaradıcılıq gecəsi zamanı Zadornovda epilepsiya halı baş verib. Onu çıxışından dərhal sonra təcili tibbi yardım maşını ilə aparıblar.
Zadornov özü KİV-in diqqətini lazımsız şeylərlə yayındırmamaq üçün öz xəstəliyini şərh etməkdən imtina etmişdi.
