BAKI, 2 noyabr — Sputnik. Dağlıq Qarabağ məsələsində haqlı mübarizədə Azərbaycanın yanında olmaqda davam edəcəyik.
Sputnik Azərbaycan Milliyet-ə istinadən xəbər verir ki, bunu Türkiyə prezidenti Rəcəb Tayyib Ərdoğan deyib.
"Hörmətli Putinlə görüşüb bu məsələni müzakirə edəcəyik" — deyə Türkiyənin dövlət başçısı qeyd edib.
O, Azərbaycanla imzalanan sazişlərdən razı qaldığını vurğulayıb. Ərdoğan Azərbaycanla Türkiyə arasındakı 1,6 milyard dollarlıq ticarət dövriyysəini 5 milyardadək qaldırmağı hədəflədiklərini qeyd edib.
Türkiyə lideri Azərbaycanı FETÖ ilə ilk mübarizəyə başlayan ölkələrdən biri kimi səciyyələndirib.
Ərdoğan 2018-ci ildə Qafqaz İslam Ordusunun yaradılmasının 100-cü illiyinin birlikdə qeyd ediləcəyini deyib.
