Rövşən Rzayev: “Dağlıq Qarabağ münaqişəsini həll etmək mümkün olacaq”
“Azərbaycan Prezidenti İlham Əliyev və Ermənistan Prezidenti Serj Sarkisyanın Cenevrədə zirvə görüşü normal keçdi”. Bu sözləri Sputnik Azərbaycan-a açıqlamasında “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin İdarə Heyətinin üzvü, millət vəkili Rövşən Rzayev deyib.
“Azərbaycanın ərazi bütövlüyü danışıqlar prosesi nəticəsində sülh yolu ilə öz həllini tapmalıdır. Təəssüflər olsun ki, bu, baş verməyib. Amma düşünürəm ki, yaxın gələcəkdə biz bunun şahidi ola biləcəyik. Minsk Qrupu dövlətlərinin da marağında olmalıdır ki, bu məsələ sülh yolu ilə həllini tapsın” – deyə o bildirib.
