BAKI, 8 oktyabr — Sputnik. Moskvada fəaliyyət göstərən ticarət mərkəzlərindən birində güclü yanğın baş verib.
Sputnik Azərbaycan RİA Novosti-yə istinadən xəbər verir ki, hadisə yerindən 3000 insan təxliyyə olunub.
“Sindika” ticarət mərkəzində yanğının əhatə etdiyi sahə 55 min kvadrat metrdir.
Ticarət mərkəzinə aparan bütün yollar bağlanılıb, hadisə yerinə cəlb olunan helikopterlər alovun üzərinə su tökür.
Ticarət mərkəzi Moskva Dairəvi Avtomaqistralın 65-ci kilometrliyində, Stroqino rayonunda yerləşir. Hadisə zamanı xəsarət alan olmayıb.
