Mübariz Əhmədoğlu: “Azərbaycanın Avropa Şurasından çıxmasının tərəfdarı deyiləm”
“Biz çalışmalıyıq ki, Avropa Şurasının konseptual, strateji baxımdan Azərbaycan qarşısında günahkar olduğunu sübut edək”. Bunu Sputnik Azərbaycan-a Azərbaycan — Avropa Şurası münasibətlərini şərh edərkən politoloq Mübariz Əhmədoğlu deyib.
“Avropa Şurası, o cümlədən AŞPA və digər qurumlardan Azərbaycanın narazılığı var. Kataloniyada keçirilən referendumun nəticələrini Avropada heç bir qurum tanımadı. Ancaq bu məsələ Azərbaycana gələndə ərazi bütövlüyü prinsipini qəti və konkret şəkildə ifadə etmirlər. Mən Azərbaycanın Avropa Şurasından çıxmasının da tərəfdarı deyiləm” — deyə o bildirib.
