BAKI, 28 sentyabr — Sputnik. Türkiyənin paytaxtı Ankarada Rusiya və Türkiyə prezidentləri, Vladimir Putinlə Rəcəb Tayyib Ərdoğan arasında danışıqlar 1,5 saat davam edib.
Hazırda danışıqlar geniş tərkibli heyətlə davam edir.
Dövlət başçıları İraqda keçirilən “referendumu”, Suriyadakı vəziyyəti, ikitərəfli əməkdaşlığı müzakirə ediblər.
Bundan başqa, prezidentlər Rusiyanın “S-400” zenit-raket kompleksini Türkiyəyə tədarük etməsini, “Türk axını” layihəsini, Akkuyu Nüvə Mərkəzinin tikintisi layihəsi ilə bağlı məsələlər barədə də danışıblar.
Rusiya prezidenti Vladimir Putinin Türkiyəyə işgüzar səfəri bu gün başlayıb.
