BAKI, 8 sentyabr — Sputnik. Rusiya ilə Türkiyə arasında yaşanan "pomidor böhranı" sentyabrın sonunda həll ediləcək. Sputnik Azərbaycan "Timeturk"-ə istinadən bildirir ki, bu barədə Rusiyanın kənd təsərrüfatı naziri Aleksandr Çeçev açıqlama verib.
Onun sözlərinə görə, türklər qış ayları boyunca Rusiyaya pomidor ixrac edə bilərlər: "Biz Türkiyədən pomidor alacağıq, amma bu, məhdud miqdarda olacaq. Yəni Rusiyada pomidor yetişdirilmədiyi vaxtlarda".
"Türkiyəyə 3 milyon tondan çox taxıl göndəririk. Oradan illik 2 milyard dollar pul qazanırıq və onu itirmək istəmirik. Bundan başqa, çoxlu miqdarda bitki yağı, düyü satırıq" — Çeçev qeyd edib.
