BAKI, 2 sentyabr — Sputnik. Rusiyanın San Fransiskodakı Baş konsulluğunun binasından, ABŞ Yanğından Mühafizə Xidmətinə yanğın siqnalı daxil olub. Sputnik Azərbaycan xarici mətbuata istinadla xəbər verir ki, yanğından mühafizə işçiləri konsulluğa yaxınlaşarkən, tüstünün binanın bacasından çıxdığını görüblər.
Rusiyanın San Fransiskodakı Baş konsulluğunun əməkdaşı yanğınsöndürmə xidmətinin əməkdaşı ilə danışır
© AP Photo / Eric Risberg
35 dərəcə istidə, binada sobanın niyə yandırıldığı əvvəlcə təəccüb doğursa da, sonradan binadan çıxan konsulluq əməkdaşı heç bir problemin olmadığını, sadəcə bəzi sənədlərin yandırıldığını bildirib.
Xatırladaq ki, burada yerləşən Rusiya Baş konsulluğu bu gündən etibarən fəaliyyətini dayandırıb.
