BAKI, 23 avqust — Sputnik. Soçidə Rusiya Prezidenti Vladimir Putin ilə İsrailin Baş naziri Benyamin Netanyahu arasında görüş keçirilib. Sputnik xəbər verir ki, görüşdə tərəflər terrorla mübarizə, Suriya, Livan və Yəməndəki vəziyyəti müzakirə ediblər.
Netanyahu bildirib ki, İŞİD terror təşkilatını birgə səylərlə məğlub etmək çox vacibdir, amma İranı da unutmaq olmaz. "Çünki İran İsrail üçün başlıca təhlükədir" — İsrailin baş naziri deyib.
Netanyahunun sözlərinə görə, İran Suriyadakı mövqeyini gücləndirir və bu, İsrail üçün təhlükədir.
