Arzu Nağıyev: “Nəyin bahasına olur-olsun işğal olunmuş ərazilərdən qoşunlar çıxarılmalıdır”
Azərbaycan və Ermənistan xarici işlər nazirləri BMT-nin sentyabr sessiyası zamanı Nyu-Yorkda görüşəcəklər. Politoloq Arzu Nağıyev Sputnik Azərbaycan-a deyir ki, artıq Ermənistan tərəfi xarici işlər nazirlərinin görüşəcəyi barədə bəyanatla çıxış edib:
“Xarici işlər nazirlərinin görüşündə nəticə olarsa prezidentlərin görüşü baş tuta bilər. Düşünürəm ki, ATƏT-in Minsk qrupunun həmsədrləri əvvəllər nəzərdə tutulmuş müəyyən addımların reallaşmağına çalışırlar”.
“Həmsədrlər düşünür ki, nazirlərin görüşü bu gün cəbhədə yaranmış gərginliyin səngiməsinə gətirib çıxara bilər. Azərbaycan tərəfi hər zaman bəyan edir ki, substantiv danışıqlara getmədən öncə nəyin bahasına olur-olsun işğal olunmuş ərazilərdən qoşunlar çıxarılmalıdır” – deyə o bildirib.
