BAKI, 2 avgust — Sputnik. Moldova hökuməti Rusiya baş nazirinin müavini Dmitri Roqozini "persona-non qrata" elan edib.
Sputnik Azərbaycan bu barədə RİA Novosti-yə istinadən məlumat verir.
Məlumatda bu barədə qərarın Moldova hökumətinin iclasında verildiyi bildirilib. Moldova xarici işlər naziri Andrey Qalbur hökumətin iclasında Rusiya baş nazirinin müavini Dmitri Roqozini arzuolunmaz şəxslərin siyahısına salmağı, onun ölkə ərazisinə girişinin yasaqlanmasını təklif edib. Nazirlər kabinetinin üzvlərinin əksəriyyəti XİN başçısının bu təklifini dəstəkləyib.
