BAKI, 1 avqust — Sputnik. Kremlin mətbuat katibi Dmitri Peskov, ABŞ-ı Ukraynada gərginliyi artırmaqda təqsirləndirib. Sputnik Azərbaycan "RİA"-ya istinadən xəbər verir ki, Peskov, Ağ Ev rəhbərliyini yeni gərginlik dalğası yarada biləcək davranışlardan çəkinməyə çağırıb.
ABŞ-ın Ukraynaya müasir ağır zirehli texnikalar və silahlar göndərməsi ilə bağlı yayılan xəbərləri şərh edən Peskov, Rusiyanın hər şeydən xəbərdar olduğunu deyib.
"Amerikalılara məsləhətim budur ki, gərginlik yaradacaq bu cür davranışlardan çəkinsinlər. Çünki Moskvanın hər şeydən xəbəri var. Biz Vaşinqtonda Ukraynaya silah göndərilməsi ilə bağlı plan hazırlandığını bilirik" — sözçü qeyd edib.
