BAKI, 29 iyul — Sputnik. Rusiyanın müdafiə naziri Sergey Şoyqu 3-cü Beynəlxalq Hərb Oyunları çərçivəsində Azərbaycan milli mətbəxinin təamlarını dadıb.
Sputnik Azərbaycan RİA Novosti-yə istinadla xəbər verir ki, Şoyqu "Səhra mətbəxi" yarışından əvvəl Rusiya, Azərbaycan, Belarus Serbiya, Monqolustan və İsrail aşpazlarının hazırladığı xörəklərin dadına baxıb.
Rusiya Müdafiə Nazirliyinin məlumatında deyilir: "Rusiya, Azərbaycan, Belarus, Serbiya, Monqolustan və İsrailin hərbi aşpazları yarışların iştirakçıları və qonaqlar üçün öz milli mətbəxlərinə aid 150-dən çox xörək hazırlayıb. Nazir xüsusilə azərbaycanlıların ət xörəkləri və şirniyyatlarının dadına baxıb. O, həmçinin, rusiyalı aşpazların balıq və un məmulatlarından hazırladıqları təamlarından yeyib. Monqol aşpazların isə çayını içib".
Qeyd edək ki, "Səhra mətbəxi" yarış avqustun 1-də başlayacaq.
