BAKI, 28 iyul — Sputnik. ABŞ hökumətinin sərt sanksiya qərarından sonra, Rusiya Vaşinqtondan Moskvadakı amerikalı diplomatların sayını azaltmasını tələb edib. Sputnik xəbər verir ki, bu barədə Kremldən məlumat yayılıb.
Açıqlamada qeyd olunur ki, ABŞ rəhbərliyi sentyabr ayının 1-dən etibarən Rusiyadakı diplomatlarının sayını azaltmalıdır. Rusiya hökuməti, ABŞ səfirliyi tərəfindən istifadə olunan bəzi mülklərə də əl qoyub.
Qeyd edək ki, analoji addımlar ilk öncə Vaşinqton tərəfindən atıldığı üçün Moskva eynilə cavab vermək məcburiyyətində qalıb.
