BAKI, 24 iyul — Sputnik. Rusiyanın Krasnoyarsk diyarında müvəqqəti tikilidə yanğın baş verib.
APA-nın verdiyi xəbərə görə, Suxobuzimskoye yaşayış məntəqəsində qeydə alınan hadisə nəticəsində 4-ü uşaq olmaqla 5 nəfər ölüb, daha 1 nəfər xəsarət alıb.
İlkin məlumata əsasən, ölənlər bir ailənin üzvləri, ata və 4 həddi-buluğa çatmamış uşaqlardır.
Hazırda yanğın söndürülüb. Faciənin səbəbləri araşdırılır.
