BAKI, 23 iyul — Sputnik. Rusiya Hərbi Dəniz Donanmasının Xəzər flotiliyasının "Qrad Sviyajsk" kiçik raket gəmisi və "SB-45" xilasetmə yedək gəmisi iyulun 23-də Bakıya gəlib.
Sputnik Azərbaycan Müdafiə Nazirliyinə istinadla xəbər verir ki, gəmilərin səfəri Azərbaycanın Xəzər dənizindəki ərazi sularında keçiriləcək "Dəniz Kuboku — 2017" beynəlxalq yarışlarında iştirak etmək məqsədi daşıyır.
Azərbaycan, Rusiya, İran və Qazaxıstan hərbi gəmilərinin iştirak edəcəyi yarışlar avqustun 1-dən 11-dək keçiriləcək.
