BAKI, 21 iyul — Sputnik. Rusiya prezidenti Vladimir Putin iyulun 21-də Soçidə azərbaycanlı həmkarı İlham Əliyevlə görüşəcək.
Sputnik Azərbaycan-ın məlumatına görə, bunu Rusiya prezidentinin mətbuat katibi Dmitri Peskov deyib.
"Bu gün axşam Soçidə prezident Putin və Azərbaycan prezidenti İlham Əliyevin işgüzar görüşü olacaq" — deyə Peskov bildirib.
O qeyd edib ki, həftənin beşinci gününü Putin Soçidə keçirəcək. O, "Sirius" təhsil mərkəzini ziyarət edəcək, onun işi ilə tanış olacaq, mərkəzin Himayədarlar Şurasının iclasını keçirəcək və canlı efirdə uşaqlarla görüşəcək.
