Onun sözlərinə görə, bu gün Qarabağ müharibəsi əlillərinə, şəhid ailələrinə və müharibə veteranlarına səmimi xidmət göstərən yüzlərlə həkim var: “Əməliyyatlar və müalicələr var ki, özəl klinikalarda onların xərcləri 10-15 min manat təşkil edir, amma bizim xahişimizlə onları müharibədə iştirak edən şəxslərə və veteranlara tam təmənnasız həyata keçirirlər”.
“Əslində müharibə əlillərinə və şəhidlərə olan münasibət vətənə olan bir münasibətdir. Qarabağ qazilərinin bədənlərinin bir hissəsi artıq vətənin torpağına çevrilib. Məsələn, ayağını müharibədə itirmiş insanın o itirilmiş ayağının artıq torpağa çevrildiyi hamıya məlumdur. Deməli, qazilər əslində vətənin bir parçası, bir hissəsidir. Şəhidlərimiz isə tam vətənləşmiş vətən torpağıdır. Qazilərə və şəhidlərə olan hörmət isə əslində vətənə olan hörmətdir” — deyə Firudin Məmmədov bildirib.
