BAKI, 16 iyun — Sputnik. İçərisində Azərbaycan vətəndaşları olan avtobus Rusiyanın Kalmıkiya respublikasının Çernozemelsk rayonu ərazisində ağır qəzaya uğrayıb. Rusiya mətbuatının məlumatına əsasən, hadisə nəticəsində 10 nəfər yaralanıb. Yaralananların arasında uşaqlar da var.
Məlumata görə, "Komsomolskiy — Artezian" avtoyolunda Nijni Novqoroddan Bakıya gedən mikroavtobus aşıb.
Avtobusda 10-dan artıq Azərbaycan vətəndaşı olub. Hadisənin təfərrüatları aydınlaşdırılır.
