BAKI, 16 iyun — Sputnik. Rusiya Müdafiə Nazirliyi, İŞİD terror təşkilatının lideri Əbubəkir əl-Bağdadinin öldürüldüyü barədə məlumat aldıqlarını açıqlayıb. Sputnik Azərbaycan haberler-ə istinadla xəbər verir ki, nazirlikdən faktı təsdiqlətmək üçün çalışdıqları bildirilib.
"May ayının sonunda Bağdadinin Rakka şəhərində olduğu əsnada, İŞİD rəhbərliyi bir toplantı keçirib. Həmin vaxt toplantının keçirildiyi məkana hava zərbələri endirilib. Hazırda Bağdadinin ölüm xəbərini dəqiqləşdirməyə çalışırıq" — məlumatda qeyd olunur.
Qeyd edək ki, Əbubəkr əl-Bağdadi, 2014-cü ildə, Mosuldakı əl-Nuri məscidində "xilafət" elan etmişdi.
