BAKI, 4 iyun — Sputnik. Rusiyanın Tver vilayətində “Oktyabrın 50 illiyi” bağ yoldaşlığının 8 üzvü güllələnərək öldürülüb.
Rusiya mətbuatının verdiyi məlumata görə, Konakovo rayonunun Redkino qəsəbəsində yoldaşlıq üzvləri yeyib-içdikdən sonra aralarında mübahisə düşüb.
Mübahisə edənlərdən biri evə gedərək silah götürüb və qayıdanda 6 kişi və 2 qadını güllələyib. 8 nəfəri qətlə yetirən şəxs elektrik olub. Həmin şəxs saxlanılıb.
Faktla bağlı araşdırma aparılır.
