BAKI, 1 iyun — Sputnik. Sankt-Peterburq şəhərində keçirilən Beynəlxalq İqtisadi forumda çıxış edən Rusiya prezidenti Vladimir Putin "Rusiyafobiya"nın arxasında duran səbəbi açıqlayıb.
"Qərb, xüsusilə Amerika bizi niyə sevmir? Çünki təkqütblü dünya artıq geridə qalıb. Onlar Rusiya kimi nəhəng alternativ gücün ortaya çıxmasını həzm edə bilmirlər. Məhz bu faktor onlarda Rusiyafobiya xəstəliyi yaradıb" — Vladimir Putin qeyd edib.
Sputnik xəbər verir ki, ABŞ-ın Alyaska və Cənubi Koreyada inşa etməkdə olduğu raketdən müdafiə sistemlərini də dəyərləndirən Rusiya prezidenti deyib: "Əlbəttə, biz buna lazımi ölçüdə cavab verəcəyik. Çünki bu Rusiya sərhədlərində baş verir və açıq-aşkar meydan oxumadır. Onlar nə etməyimizi gözləyirlər? Sadəcə əli-qolu oturub izləməyimizi? Xeyr, belə olmayacaq. Rusiya lazımi hərbi tədbirlərini görəcək".
