BAKI, 18 may — Sputnik. ABŞ-ın Ədliyyə Nazirliyi, Rusiyanın Amerikadakı prezident seçkilərinə müdaxiləsini araşdırmaq üçün qurulan istintaq komissiyasının başına, Federal Təhqiqatlar Bürosunun keçmiş rəhbəri Robert Mülleri təyin edib. Sputnik Azərbaycan "CNN"-ə istinadən xəbər verir ki, bu barədə ədliyyə nazirinin müavini Rod Rosenşteyn məlumat paylaşıb.
"Əgər iddialar doğrudursa, Rusiyanın etdiyi cinayətdir. Çünki başqa dövlətin daxili işlərinə müdaxilə heç cür qəbul edilə bilməz. Təbii ki, bunlar hələlik iddiadır. Lakin araşdırılması vacib qorxunc bir iddiadır. Cənab Robert Müllerin bu işi ciddi araşdıracağına əminik" — R. Rosenşteyn bildirib.
Məsələ ilə bağlı, artıq ABŞ Konqresinin Nümayəndələr Palatasının Demokratlar Partiyasından olan üzvü El Qrin prezident Donald Trampın impiçmentini elan etməyi təklif edib. E. Qrin bu məsələni şəxsi siyasi məqsədləri üçün qaldırmadığını da bəyan edib.
"Donald Tramp Ceyms Komini, onun Rusiya ilə əlaqələrini araşdırdığına görə işdən çıxarıb" — senator deyib.
Qeyd edək ki, Rusiyanın ABŞ-da keçən il noyabr ayında keçirilən prezident seçkisinə kiberhücumla təsir etdiyi iddia olunur. Rəsmi Kreml isə bu iddialı axmaqlıq olaraq qəbul edir.
