BAKI, 16 may — Sputnik. Azərbaycan Milli Məclisinin sədri Oqtay Əsədov Ümumrusiya Azərbaycanlıları Konqresinin ləğvindən danışıb.
Sputnik Azərbaycan-ın məlumatına görə, Oqtay Əsədov Milli Məclisin bu gün keçirilən plenar iclasında Rusiya Dövlət Dumasının sədri və Federasiya Şurasının sədri ilə bu məsələni müzakirə edəcəyini deyib.
"Artıq məktublar hazırlamışıq və bizim Rusiya ilə işçi qrupunun adından bu ölkənin müvafiq orqanlarına, o cümlədən Dumaya məktub ünvanlayırıq. Cavablarından asılı olaraq növbəti addımları atacağıq" — deyə parlamentin spikeri bildirib.
