BAKI, 1 may — Sputnik. "Suriya müxalifəti böyük ehtimalla Astanada keçiriləcək danışıqlara qatılacaq". Bu barədə Sputnik-ə adının açıqlanmasını istəməyən bir müxalifət təmsilçisi açıqlama verib.
"Qazaxıstanda keçiriləcək danışıqlara dəvət almışıq. Böyük ehtimalla orada iştirak edəcəyik. Çünki dəvət alan qruplaşmalardan heç kim buna etiraz etməyib" — mənbə bildirib.
Onun sözlərinə görə, müxaliflər Rusiyanın təklifinə müsbət yanaşırlar: "Ona görə müsbət yanaşırıq ki, bu danışıqlar nəticəsində ölkədəki vəziyyət müsbətə doğru dəyişə bilər".
Xatırladaq ki, Astana danışıqlarının növbəti raundunun 3-4 may tarixlərində keçirilməsi planlaşdırılır.
