BAKI, 18 apr – Sputnik. “Rusiyanın Yaxın Şərqdəki varlığı müstəmləkəçiləri narahat edir”. Sputnik Türkiyə xəbər verir ki, bunu Liviyanın miqrasiya naziri Talal Arslan deyib.
Nazir ölkəsinin Rusiya ilə müxtəlif sahələrdə əlaqələri inkişaf etdirməyə çalışdığını da söyləyib. “Rusiyanın Yaxın Şərqdəki proseslərdə iştirakını müsbət qarşılayırıq. Moskvanın buradakı varlığı müstəmləkəçi qüvvələrin siyasətinə zərbə vurur və onlar bundan ciddi narahatdır. Radikal qrupların bölgədə güclənməsi də müstəmləkəçilərin təsirini azaldır. Rusiya isə həm terrorçu qrupların, həm də müstəmləkəçilərin təsirini zəiflədir” – liviyalı nazir söyləyib.
