BAKI, 5 apr — Sputnik. Rusiyanın Baş naziri Dmitri Medvedyev, ölkənin əsas müxalifət lideri sayılan Aleksey Navalniyə xəbərdarlıq edib. Hökumət başçısı müxalifət liderini mitinqlərdə azyaşlı uşaqlardan istifadədə təqsirləndirib.
"Aleksey Navalni hökumətdəki bütün şəxsləri pis insan adlandırır və xalqdan onu prezident seçməsini istəyir. O, təşkil etdiyi mitinqlərdə yetkinlik yaşına çatmayan uşaqlardan istifadə edir. Bunun cinayət olduğunu düşünürəm" — Medvedyev bildirib.
Sputnik Türkiyə xəbər verir ki, hazırda Rusiyanın bir neçə şəhərində müxaliflərin aksiyaları davam edir.
