QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

GATA sədri "Ermənistan Azərbaycan Sülh Platforması"na qoşulub

© Photo : GATAGürcüstan-Azərbaycan Tələbələr Birliyinin sədri (GATA) Samirə İsmayılova
Gürcüstan-Azərbaycan Tələbələr Birliyinin sədri (GATA) Samirə İsmayılova - Sputnik Azərbaycan
Abunə olmaq
Gürcüstan-Azərbaycan Tələbələr Birliyinin sədri Samirə İsmayılova "Ermənistan Azərbaycan Sülh Platforması"nı dəstəkləyib

BAKI, 29 mart — Sputnik. Gürcüstan-Azərbaycan Tələbələr Birliyinin sədri (GATA) Samirə İsmayılova "Ermənistan Azərbaycan Sülh Platforması"na qoşulması ilə əlaqədar bəyanat verib.

Bəyanatda deyilir:

"Sülh insanlar arasında olan əmin-amanlıq və qardaşlıqdır. Bunlar həyatımızın ən vacib meyarlarıdır. Buna görə də mən Dağlıq Qarabağ münaqişəsinin yalnız sülh yolu ilə həllinə inanıram. Azərbaycan və Ermənistan Respublikalarının ərazi bütövlüyü və suverenliyinə və hər iki dövlətin beynəlxalq səviyyədə tanınmış sərhədlərinə hörmət və dəstəyimi bildirmək istəyirəm. 

Стрельба из гранатомета, фото из архива - Sputnik Azərbaycan
QARABAĞ
Sülh Platforması qoşunların təmas xəttində gedən döyüşlərlə bağlı bəyanat yayıb

Həmçinin BMT Təhlükəsizlik Şurasının qəbul etdiyi qətnamələrin, digər beynəlxalq təşkilatların qətnamə və qərarlarının icrası vacib olduğunu vurğulamaq istəyirəm. ATƏT-in Minsk qrupunun münaqişənin həlli istiqamətində gördüyü işlərinin əhəmiyyətini qeyd etmək istəyirəm.

Ermənilər və azərbaycanlıların birgə yaşayışla əlaqədar ümumi ənənələrinə istinad edərək, münaqişənin həll olunmaması nəticəsində iki ölkədə yetişməkdə olan nəsillərin bir-biri haqqında təsəvvürlərinin yalnız müharibə kontekstində formalaşdığını təəssüflə qeyd etmək istəyirəm.

Mən sülh təşəbbüslərini dəstəkləyirəm və bu təşəbbüslərin mövcud münaqişəyə böyük töhfə verə biləcəyinə inanıram. Bu səbəbdən, məqsədi Ermənistan-Azərbaycan, Dağlıq Qarabağ münaqişəsinin sülh yolu ilə həlli və Cənubi Qafqaz regionunda sülhün bərpası və qorunması olan "Ermənistan Azərbaycan Sülh Platforması"na qoşulduğumu bəyan edirəm".

Xəbər lenti
0