BAKI, 26 mart — Sputnik. Başqırdıstanda iki yük qatarının toqquşması nəticəsində üç nəfər ölüb, bir nəfər xəsarət alıb.
Sputnik Azərbaycan bu barədə RİA Novosti-yə istinadən xəbər verir.
Qatarlardan biri filizlə dolu, digəri boş olub.
Fövqəladə Hallar Nazirliyinin (FHN) regional bölməsinin rəsmi məlumatına görə, hadisə Uçalinsk filizsaflaşdırma kombinatının ərazisində, Uçala şəhərində, yerli vaxtla saat 15:05 radələrində baş verib
"Yaşayış məntəqəsinə hər hansı təhlükə yoxdur. Hadisə yerində 27 nəfər və üç ədəd texnika işləyir" — deyə Başqırdıstan FHN-in mətbuat katibi Yelena Mavlyutova bildirib.
İstintaq Komitəsi hələlik vəziyyəti şərh etməyib.
