BAKI, 2 mart — Sputnik. "Rus döyüş təyyarələri Suriyanın şimalında kürd silahlı dəstəsi PYD-ni bombalayıb". Sputnik Azərbaycan Timeturk-ə istinadən xəbər verir ki, bunu İŞİD-ə qarşı qurulan beynəlxalq koalisiyanın ABŞ-dan olan komandiri general-polkovnik Stefan Tovnsed deyib.
Amerikalı komandirin iddiasına görə, rus təyyarələri PYD-ni səhvən bombalayıb: "Rusiyaya aid qırıcılar İŞİD-in əlində olduğunu zənn etdikləri kəndi bombalayıb. Halbuki o kənd PYD-nin nəzarətindədir".
S. Tovnsedin iddialarına Kremldən hələlik heç bir şərh verilməyib.
