BAKI, 22 fev — Sputnik. Fevralın 22-də günorta saatlarında Dağlıq Qarabağda Ermənistan silahlı bölmələri tərəfindən mövqelərimizin artilleriya atəşinə tutulması nəticəsində Silahlı Qüvvələrimizin hərbi qulluqçusu əsgər Xəlilov Xanoğlan İntizam oğlu şəhid olub.
Sputnik Azərbaycan bu barədə Müdafiə Nazirliyinin saytına istinadən məlumat verir.
Müdafiə Nazirliyinin rəhbərliyi şəhidin yaxınlarına, əzizlərinə dərin hüznlə başsağlığı verir və səbr diləyir!
Sputnik Azərbaycan-ın Qarabağ bürosunun məlumatına görə, Xanoğlan Xəlilov 1997-ci il təvəllüdlüdür və Şəmkirin Seyidlər kəndində anadan olub.
