BAKI, 12 yan — Sputnik. "ABŞ-ın Suriyada heç bir planı olmadığını görən Türkiyə məcburən üzünü Rusiyaya çevirdi. Biz Ərdoğanla yenidən işləməli və onu başa salmalıyıq ki, Rusiya daimi müttəfiq deyil, Türkiyənin əsl müttəfiqi Amerikadır".
Sputnik US NEWS-a istinadən xəbər verir ki, bunu ABŞ-ın yeni seçilən prezidenti Donald Trampın dövlət katibi olaraq təyin etdiyi Reks Tillerson, Senatda sualları cavablandırarkən deyib: "Türkiyə prezidenti Rəcəb Tayyib Ərdoğanla təkrar çalışmalıyıq. Türkiyə bizim çox köhnə NATO müttəfiqimizdir".
"Bölgədə ABŞ-ın fəaliyyətsizliyindən narahat oldular və üzlərini Rusiyaya çevirdilər. Lakin Moskva daimi müttəfiq deyil. Rusiyanın qalıcı bir müttəfiq olmadığını türklərə göstərmək lazımdır. Türkiyənin müttəfiqi ABŞ-dır" — Tillerson qeyd edib.
