BAKI, 25 dek — Sputnik. Rusiya Müdafiə Nazirliyinin radardan itən “Tu-154” təyyarəsinin qalıqları Qara dənizdə Soçi sahillərindən 1,5 km uzaqlıqda, 50-70 metr dərinlikdə aşkarlanıb.
Sputnik-in verdiyi məlumata görə, bu barədə Rusiya Müdafiə Nazirliyi məlumat yayıb.
Bu gün Rusiya Müdafiə Nazirliyinə məxsus “Tu-154” təyyarəsi yerli vaxtla saat 05.40 (Bakı vaxtı ilə saat 06.40) radələrində Soçinin Adler aerodromundan hava qalxdıqdan qısa müddət sonra radardan itib.
Suriyanın Xmeymim aerodromuna uçan təyyarədə 84 sərnişin və 8 heyət üzvü olub. Sərnişinlər arasında Rusiyanın Birinci və Zvezda telekanallarının əməkdaşları da olublar.
