BAKI, 23 dek — Sputnik. Rusiya Federasiyasının prezidenti Vladimir Putin, ilin yekunlarına həsr olunmuş böyük mətbuat konfransı keçirir. Sputnik xəbər verir ki, onun mətbuat konfransını izləmək üçün 1437 jurnalist akkreditə olub.
Mətbuat konfransı Rusiyanın rəsmi dövlət kanallarında birbaşa yayımlanır. Mətbuat konfransının vaxtı sərbəstdir, onun bitməsinə Putin özü qərar verəcək.
Putin indiyə qədər 12 belə böyük mətbuat konfransı keçirib. Bu mətbuat konfransları arasında ən uzun çəkəni 2008-ci ildə olub — 4 saat 40 dəqiqə. 2015-ci ilin yekunlarına həsr olunmuş mətbuat konfransı isə 3 saat 8 dəqiqə çəkib.
Bugünkü mətbuat konfransı ötən günə planlaşdırılmışdı. Lakin Ankarada qətlə yetirilən Rusiya səfiri Andrey Karlovla vida mərasiminə qatıldığından, Putin mətbuat konfransını bu günə təxirə salmışdı.
