BAKI, 19 dek — Sputnik. "Sui-qəsdin məqsədi — Rusiya-Türkiyə əlaqələrini pozmaqdır. Rus və türk səlahiyyətlilər bu hadisənin arxasında gizlənənləri ortaya çıxaracaqlar".
Sputnik xəbər verir ki, bu açıqlamanı, Ankara Böyük Şəhər Bələdiyyəsinin sədri Melih Gökçek verib. "Bir müddət öncə rus təyyarəsini vuran kimlərdirsə, bu hadisənin arxasında duran da onlardır", — Gökçek bildirib.
"Bu hadisə FETÖ-nün cənub-şərq bölgəsində Rusiya təyyarəsini vurması ilə eynidir. Bundan sonra da bu cür sui-qəsdlər davam edəcək. Amma bundan da bir nəticə ala bilməyəcəklər. Cənab səfirin qanı yerdə qalmayacaq", — bələdiyyə sədri vurğulayıb.
